andel

Un bo agasallo para o Nadal

2011-12-26T21:43:00.000+01:00

E PARA CALQUERA ÉPOCA DO ANO.

Volve Ani!!!!

2011-12-17T13:47:00.001+01:00

Ani volve ver cumplido o seu soño de viaxar e coñecer novos lugares. Axiña ides ter novas deste libro aventureiro.

kuentalibros

2011-10-19T10:37:00.001+02:00

Kuentalibros é un espazo dirixido a recomendar lecturas a través da rede no que o boca a boca será fundamental, por iso buscan ver moitas bocas parlantes.

http://kuentalibros.blogspot.com/

Goza da vida

2011-09-30T14:41:00.002+02:00

Maltrato "sutil"

2011-03-15T14:19:00.002+01:00

Representación en Leirado

2010-08-21T18:03:00.000+02:00

O alumnado de 6º de EP do CEIP de Leirado representaron a final de curso Soños de andel para os máis pequerrechos do cole.

Agardo que se divertisen moito!!!!

26 de xullo, día dos avós

2010-07-26T20:48:00.001+02:00

Foto de Margherita Vitagliano

O 26 de xullo é o día dos avos.

Os avós son esas persoas ás que tanto se lles debe, e que ás veces, tan pouco reciben a cambio.

Do avó Benigno non me lembro, el xa morrera cando eu nacín. Din que era un home moi alto e moi guapo, e por iso traía toliñas a todas as mulleres da vila.

Da avoa Laura teño uns recordos moi confusos. Lembro unha cama nun recuncho dun cuarto. Un cuarto con porta a un pequeno balcón.

Na cama, un corpo cuberto de negro. Un negro loito.
Ningunha nai e ningún pai deberían ter que padecer o amargo sufrimento que é sobrevivir a unha parte de ti, a algo que foi teu, que estivo no teu interior e que agora xa non existe, xa non está.

Non lembro máis dela, pero dos seus nove fillos que si sobreviron á morte da súa nai, puiden escoitar historias da valentía que supoña ser unha nai na Galicia da guerra e da posterior ditadura.

Un día comecei a escribir un libro, un libro que falaba da avoa Laura. Un libro que nunca rematei. Un libro que comeza así:

A avoa Laura naceu e morreu pobre. Eu a penas a coñecín porque faleceu cando eu tiña pouco menos ca tres anos. Daquela, vivían na casa os meus pais, a miña irmá, que me leva seis anos, o padriño e a avoa Laura.

Case que non teño recordos dela, os máis, os que me foron contando aos longos dos anos, pero recordos de meu, teño ben poucos. O que si lembro é a unha señora maior, vestida de loito e deitada nunha cama, como agardando a que a morte viñese por ela xa dunha vez. A avoa Laura nunca volvera ser a mesma dende que lle morrera o seu fillo, cando eu tiña máis ou menos, un ano e medio.

A xente di que non se debe de ter un fillo só, porque se che morre quedas sen ningún e a pena é máis grande, pero a eses a avoa Laura diríalles que ningún fillo que tiveses ocuparía o lugar que deixou o que se foi de súpeto, case sen avisar. É por iso que os dez fillos, daquela xa só nove, que tiña a avoa Laura non foron suficiente para acabar coa dor que a prematura morte de Silverio, con pouco máis de vinte anos e cun mes de casado deixou no corazón da viuva, dos irmáns e, como non, da coitada da nai, que rematou morrendo de pena e coa esperanza de poderse atopar co seu penúltimo fillo alá onde Deus a levase.

A avoa Laura naceu no ano 1912, filla dunha republicana, a visaboa Feli, pasou toda a súa vida parindo e coidando fillos. Non tivo oficio coñecido máis que o de coidar dos seus, que coa cantidade que eran, dabondo lle chegaba.

Da avoa Virginia e do avó Adolfo xa teño máis recordos de meu. Son reais, non mos tiven que construír cos retazos das verbas dos demais.

O avó Adolfo era serio, poucas veces o escoitei rir. A avoa Virgnia parecía moi fráxil, pero en realidade era moi forte.

Mais eu, xa non teño avós.

ANI NO CEIP DE MACEDA

2010-05-15T12:37:00.001+02:00

Veño engaiolada co alumnado do CEIP de Maceda e co seu profesorado.

Ía disposta a sorprendelos coa miña presentación, pero pola contra, a sorprendida fun eu. Tiñánme preparadas moitas sorpresas.

Foi unha mañá moi intensa e emocionante na que puiden conversar cos nenos e nenas, respostar ás súas preguntas e descubrir os traballos que eles fixeran para min.

Pola tarde a sesión cos de Infantil non foi menos proveitosa. Coñecían moi ben a Ani e os seus soños. Souberon respostar perfecatamente a cada unha das preguntas que lles fixen e seguiron con moita atención todo o que eu lles contaba.

Quero darlles as grazas a todos os nenos e nenas, ao profesorado, ás nais que tamén colaboraron e como non, a algún marido que tamén tivo que demostar a súa maña.

Agardo que poidamos volver estar xuntos noutro momento.

Aquí vos deixo algún exemplo do que fixeron:

ANI VOLVEU AO BOUZA BREY

2010-05-06T22:06:00.002+02:00

Ani estivo de novo no CEIP Fermin Bouza Brey, pero desta volta fumos acompañados por María Lires, a ilustradora que lle deu vida ao libro de Soños de andel cos seus fermosísimos debuxos.

María ensinounos como imaxinou a Ani para poder debuxalo e como os demais libros foron tomando forma a partir dos seus chapeus.

Tamen houbo quen descubriu a quen se parecia a mamá de Mar!!!!!!

Unha vez máis, Bea teño que darche as grazas por todo o que fas polo meu Soños de andel. Ogallá todo o mundo gozase tanto co que fai como o fas ti.

Moitas grazas María por ese traballo tan marabilloso que fixeches!!!

Os nenos e nenas estiveron debuxando con María Lires, pero algúns xa traian os deberes feitos e agasalláronnos cos seus debuxos, que colgarei aquí, pero como adianto quero que vexades esta fermosísima interpretación do libro de cociña.

ENCONTRO NO CEIP DE SIGÜEIRO

2010-04-25T22:13:00.000+02:00

E para rematar esta andaina, o día do libro, o 23 de abril, Ani viaxou ata Sigüeiro para poder compartir un momentiño co alumnado de 2º do CEIP de SIGÜEIRO.

Quero agradecerlle ás mestras que me convidasen e como non, a Mencía, agradecerlle tamén que me ensinase os seus amigos e amigas.

Grazas

ENCONTRO NO CEP IGREXA-VALADARES

2010-04-25T22:05:00.000+02:00

O día 22 non só me agardaban os alumnos do Mestres Goldar, non, tamén puiden compartir unha experiencia moi fermosa co alumnado de 2º do CEP Igrexa-Valadares.

Moitas grazas ás mestras e a Fátima por convidarme á súa biblioteca!!!!

Encontro CEIP Mestres Goldar

2010-04-25T21:53:00.002+02:00

O xoves 22 tiven un encontro no CEIP Mestres Goldar co alumando de 2º, cos que mantivera o meu primeiro encontro dixital.

Estabamos todos moi ilusionados por poder coñecernos en persoa.

Foron moitas as experiencias que vivimos dende aquel primeiro contacto da mestra o día 4 de febreiro, ata que eles remataron de ler o libro e se fixo o último comentario, o 12 de marzo.

Dende aquí quero darlle as grazas a Julia e a todo as súas alumnas e os seus alumnos por deixarme participar da súa hora de lectura.

Seguide así.

Se queredes ver máis información sobre este encontro, podedes visitar a páxina O recanto de Mik: http://www.blogoteca.com/orecantodemik/index.php?cod=83629

Encontro CEIP Mestre Manuel García

2010-04-21T21:38:00.001+02:00

Hoxe estiven no CEIP Mestre Manuel García para celebrar a Semana do Libro.

Foi unha experiencia moi fermosa porque primeiro mantiven un encontro co alumnado de 5º. Neste curso teñen un club de lectura. Entre todos comentamos o que lles parecera Soños de andel.

A continuación, fixen unha sesión de animación á lectura para os do 1º ciclo na que tamén me fixeron moitísimas preguntas sobre o libro.

Moitas grazas Sofía.
Moitas grazas a todo o alumnado de 1º, 2º e 5º de Educación Primaria.

Cando a imaxinación lle pode ao corpo

2010-04-08T21:44:00.000+02:00

A primavera

2010-03-22T21:44:00.000+01:00

Trinta e cinco

2010-03-06T20:13:00.000+01:00

Ilustración do libro "Enséñame a ser feliz" de Àngels Ponce e ilustrado por Miguel Gallardo.

Hoxe é o meu aniversario.

Cumpro 35 anos e, ao igual ca a nena da ilustración,

gústame subir a lugares altos e deixar que me dea o vento na cara.

Fai que me sinta libre.

Sen problemas.

Feliz!!!

Alma

2010-02-22T19:04:00.001+01:00

Alma from Rodrigo Blaas on Vimeo.

Un corto escrito e dirixido por Rodrigo Blaas.

Os Comelibros

2010-02-15T21:01:00.002+01:00

Durante este mes de febreiro, por fin, puidemos poñer en marcha o

Club de lectura Os Comelibros.

Levabamos ben tempo intentado poñer a andar este proxecto, pero, como todo o que se fai agardar, ao final tivo tanta acollida por parte do alumnado de 6º de Educación Primaria e por parte do profesorado que tivemos que montar dúas quendas de lectura.

Os libros que imos ler desta volta son:

O carteiro de Bagdag, de Marcos Calveiro, publicado por Edicións Tambre.
Cómo complacer a todo el mundo sin dejar de hacer... lo que uno quiere, de Klaus-Peter Wolf.

Para máis información sobre este club de lectura na páxina de Viaxa con Popi.

Ani na aula de 2ºC do CEIP de Sigüeiro

2010-02-08T18:37:00.002+01:00

A mestra de 2º C do CEIP de Sigüeiro recibiu estas pasadas festas do Nadal unha sorpresa na casa da súa alumna Mencía; ¡os Reis Magos deixaran para ela o libro de Soños de andel!

Na hora de lectura da súa aula compartiuno co seu alumnado.

Non quixeron perder a oportunidade de agasallarme cos debuxos que xurdiron despois da lectura.

Moitas grazas á mestra e ao alumnado de 2ºC!!!!

1º encontro dixital de "Soños de andel"

2010-02-04T21:54:00.001+01:00

www.blogoteca.com/orecantodemik/

Dende o CEIP Mestres Goldar de Vigo, da man de Julia, a titora de 2º, propuxéronme esta fermosísima idea de ir mantendo un encontro dixital co seu alumnado a medida que van lendo o libro de Soños de andel.

Non o dubidei en ningún momento, posto que considero que temos que ir introducindo as novas tecnoloxías na aula, pois nelas temos unha fiestra aberta a un milleiro de posibilidades que antes nin podiamos imaxinar.

E por suposto, para min supón unha experiencia nova de encontro con nenos e nenas que ata o momento só experimentara coas miñas sobriñas.

Moitas grazas Julia, moitas grazas alumnos e alumnas de 2º.

Agardo os vosos comentarios.

Día en memoria das vítimas do holocausto

2010-01-27T19:34:00.000+01:00

Hoxe celébrase o 65 aniversario da liberación de Auschwitz.

Nas escolas estamos preparando a semana da Paz, pero non podemos pasar por alto este día no que rendimos memoria ás vítimas do holocausto.

Non nos podemos esquecer deles.

Orellas de bolboreta

2010-01-14T18:41:00.002+01:00

Orellas de bolboreta é un fermosísimo libro que podemos aproveitar para traballar nas aulas os complexos que adoitan ter os nosos alumnos e alumnas.

Nel, atopámonos con situacións nas que se considera como algo positivo o que normalmente os demais considerarían como negativo.

Escrito por Luisa Aguilar, está publicado na editorial Kalandraka.

A propósito do galego

2010-01-12T21:41:00.000+01:00

Baixo un manto branco

2009-12-27T13:18:00.000+01:00

Aí debaixo está Ponteareas!!!!

Vivimos entre a néboa, rodeados dun manto branco.

Mentres facía a foto, na vila, comezaba a arder unha casa abandonada. Por entre esa brancura comezou a xurdir unha columna de fume.

25 de decembro de 2009

Para desenvolver a imaxinación dos nenos

2009-12-27T13:02:00.001+01:00

Papá Nöel agasalloume cun libro para axudar a desenvolver a imaxinación dos nenos e como non, tamén a miña:

El taller de los duendes: una guía para ayudar a los niños a imaginar,

ilustrar y realizar su propio libro.

Grazas Ani.

Bo Nadal!!!!

2009-12-23T12:45:00.002+01:00

Agardo que para o 2010 se cumpran os vosos soños!!!!

40º aniversario do CEIP Nosa Señora dos Remedios

2009-12-16T20:15:00.000+01:00

O venres 18 de decembro celebraremos o 40º aniversario do Ceip Nosa Señora dos Remedios.

Comezaremos cun acto conmemorativo, para dar paso a unha cea.

Haberá moitas sorpresas!!!!!

De cando ir traballar é como vivir nun conto de fadas

2009-12-13T11:34:00.001+01:00

Non somos mestras de infantil, aínda que o pareza.

Unha boa reflexión

2009-12-12T10:21:00.004+01:00

III ENCONTROS DE CENTROS EDUCATIVOS CON PLANS DE AUTOAVALIACIÓN E MELLORA DA CALIDADE DA EDUCACIÓN

2009-12-05T12:19:00.008+01:00

O días 3 e 4 de decembro celebráronse en Sanxenxo os III Encontros de Centros Educativos con plans de autoavaliación e mellora da calidade da educación.

O programa contou coas seguintes conferencias e obradoiros:

A AVALIACIÓN INTERNA DO CENTRO E AS SÚAS CONSECUENCIAS

Ramón Pérez Juste

A conferencia de Pérez Juste foi moi refrescante e revitalizante, pois ás veces unha séntese unha extraterrestre cando manifesta as súas ideas de como se deberían facer as cousas na educación.

Algunhas das ideas que expuso son:

1. A avaliación non ten que ser un fin, senón un medio.

2. Cando teñamos feita a avaliación debemos tomar decisións que nos axuden a mellorar.

3. Os centros educativos deben funcionar como verdadeiras organizacións, evitando os proxectos individuais de aula ou de materia.

4. Temos que facer organizacións que aprenden e que acheguen a súa propia experiencia ás organizacións futuras: acumulación de experiencia, mediante a documentación dos procesos.

5. É mellor unha autoavaliación se é sincera ca unha avaliación externa.

6. A educación non se pode entender sen a colaboración dos pais. Se non é así a eficacia será nula. Están fóra pero son parte da organización.

7. A avaliación non debe ser o momento de botar na cara os erros dos demais, senón o momento de corrixir.

8. O alumnado ten que ser considerado como unha persoa, non só como unha mente con capacidades, senón tendo en conta os seus sentimentos, o seu contorno, os seus problemas... polo que vai precisar a axuda do seu titor-a e tamén do Departamento de Orientación.

DA AVALIACIÓN Á MELLORA E Á INNOVACIÓN NOS CENTROS EDUCATIVOS

Alejandro Campo

1. O cambio vai depender do que os profesores pensen e fagan.

2. Os grandes cambios de proxecto escolar témolos que facer acompañados.

3. O cambio significa novos materiais, novas prácticas e comportamentos e novas creencias e xeitos de pensar.

4. Unhas das barreiras para o cambios son a cegueira colectiva, a parálise e o feito de non finalizar o proxecto iniciado.

5. Os cambios non poden depender dos grupos con inquedanzas. O Equipo Directivo ten que ser quen de seguir co cambio aínda que se produza renovación da plantilla do profesorado.

6. O ben feito non pode desaparecer, xa que supuxo un gasto de enerxía dos docentes.

OBRADOIROS SIMULTÁNEOS

1. OBRADOIRO DE COMPETENCIAS BÁSICAS NA EDUCACIÓN SECUNDARIA.

2. OBRADOIRO DE COMPETENCIAS BÁSICAS NA EDUCACIÓN PRIMARIA.

3. OBRADOIRO DE CONVIVENCIA.

4. OBRADORIO DE ATENCIÓN Á DIVERSIDADE.

CONCLUSIÓNS

1. Para que os Centros cambien, temos que cambiar a metodoloxía.

2. Hai que desdramatizar o tratamento das competencias nos nosos Centros.

3. A Administración ten que promover unha formación masiva nas competencias básicas.

4. Necesidade de materiais e recursos.

5. Formación e implicación do profesorado, dirección e do Departamento de Orientación.

6. Implicación da comunidade educativa e resto de servizos coma o médico, sociais...

7. Estabilidade na plantilla.

8. Autoavaliación.

9. Implicación das familias.

10. Coherencia entre os diferentes documentos no Centro.

11. Coordinación co persoal non docente.

11. Plan de Acción Titorial.

12. Escola de familias, non só de pais e nais.

13. Redistribución do alumnado con necesidades específicas en diferentes aulas e en diferentes centros.

14. Necesidade de informar en cada trimestre ás familias sobre o seguimento do alumnado.

15. Atención emocional.

A convivencia e a súa mellora non é cuestión de ausencia só da violencia senón construción de relacións dun mesmo e cos demais.

Só compartindo colectivamente obxectivos e puntos de vista poderemos mellorar o clima de convivencia nos Centros Educativos. Zabalza

¡Vaia agasallo!

2009-12-04T20:11:00.000+01:00

Moitas grazas María Lires!!!!!

Encontro no Colexio La Inmaculada de Ponteareas

2009-11-27T18:16:00.002+01:00

Hoxe volveu ser unha xornada moi especial.

O encontro no Colexio La Inmaculada de Ponteareas deixoume momentos de moita emoción e felicidade.

Quero agradecerlle a Carmela e a Mila que me convidasen a compartir ese mar de ilusións que se podían ver nos ollos dos nenos e nenas que alí estaban.

Un momento moi especial foi o que vivín con Anita, deséxoche que consigas todos os teus soños, porque vexo que xa es unha gran loitadora.

E non me quero esquecer de Julia, un bico moi grande tamén para ela.

Moitas grazas.

25 de novembro: Día Internacional da Eliminación da Violencia contra a Muller

2009-11-23T17:51:00.001+01:00

O 25 de novembro e calquera outro día do ano.

20 de novembro, día interacional do neno e da nena

2009-11-20T19:54:00.007+01:00

non á pornografía infantil

¡Vivamos como galegos! ¡Maloserá!

2009-11-18T19:46:00.002+01:00

Ao final fai máis GADIS pola nosa conciencia colectiva ca a propia Xunta.

Se no fondo, só nos falta ter un chisquiño de autoestima!!!!

maloserá

Lendo Contigo, Gondomar

2009-11-12T21:14:00.000+01:00

O sábado tiven unha sesión no Club de lectura compartida Lendo contigo que se celebrou na biblioteca de Gondomar.

Ani atopou nesta biblioteca uns nenos e nenas aos que non lles gusta nada que haxa libros que ninguén os leva á súa casa.

É por iso que acoden a miúdo a un lugar máxico, ¡unha antiga escola reformada e convertida agora en biblioteca!

Si, si, lestes ben, é igual ca biblioteca na que vive Ani, que foi escola ata que os nenos e nenas de Lemoito marcharon para o colexio novo.

Saúdos moi agarimosos para todos os lectores e lectoras de Gondomar.

Hai que loitar por conseguir os propios soños

2009-11-09T18:55:00.001+01:00

Ler para sentirse ben

2009-11-02T20:14:00.004+01:00

Cando escollemos os libros que lemos, cada quen ten as súas razóns, pero entre unha delas está a de ler para sentirse ben.

Un dos libros que cumplen esta función é o de Yo, de Philip Waecheter.

Yo, foi un agasallo que me fixeron as miñas amigas Montse e Ana. Dende que mo deron léollo a todos os nenos e nenas e non tan nenos e nenas que se cruzan no meu camiño.

A nivel de aula, serve para traballar a autoestima. Funciona moi ben.

Orientaremedios

2009-11-02T19:50:00.002+01:00

Dende o Departamento de Orientación do CEIP Nosa Señora dos Remedios, comezamos unha nova andaina no blog http://orientaremedios.blogia.com/

Queremos que sexa un espazo dinámico e participativo no que poder solventar as dúbidas das familias arredor do coidado e educación dos seus fillos e fillas.

Xornadas Bibliotecas Escolares de Galicia

2009-10-25T19:07:00.003+01:00

Esta fin de semana foron as xornadas das Bibliotecas Escolares de Galicia co lema Novas lecturas, novos lectores.

Algunhas das ideas que anotei no meu caderno foron as seguintes.

1. Os nacidos antes de 1993 somos inmigrantes na competencia dixital.

2. Os plans de lectura dos centros deberían ser tamén de escritura.

3. Os mozos e mozas de hoxe en día len moito pero nesa diversidade de cousas que len non todo é literatura.

4. Os alumnos e alumnas son cazadores furtivos de palabras.

5. Hai que ter unha boa biblioteca de aula. Se non hai libros suficientes, hai que pedirllos á biblioteca mediante a mochila viaxeira.

6. A biblioteca escolar non é unha biblioteca pública dentro da escola ou encaixada nela.
7. As aulas non funcionan como trailers que inciten ao alumnado a interaccionar coas bibliotecas.
8. Hai que crear pontes entre as aulas e todas as iniciativas que se levan a cabo nas bibliotecas escolares.
9. se temos ques apostar por unha educación intercultural temos que facelo tamén dende o currículo, tendo en conta a selección de textos que levamos á nosa aula.

Aquí estamos algunhas das compis do cole que asistimos ás xornadas.

E aquí estamos as do CEIP Fermín Bouza Brey, as do CPI Mondariz

e nós, as do CEIP Nosa Señora dos Remedios!!!

Faltan María e Elena. Eramos un bo grupiño.

Animación á lectura na familia

2009-10-21T16:37:00.000+02:00

Unha dos obxectivos que nos temos que propoñer dende a educación é o de fomentar a lectura na familia.

Para iso debemos fornecer ás nais e aos pais de ferramentas que os animen a adicarlle un tempo diario á lectura cos seus fillos e fillas.

É por iso que vos propoño que contedes as vosas experiencias persoais ou que comentedes o que vós pensades que se debería facer para axudar a aumentar o número de lectores e lectoras.

Non é necesario que teñades fill@s para que poidades opinar, pois eu, como xa sabedes os que me coñecedes, non os teño, pero si sobriñas que viven a 700 Km de distancia, e por iso a miña experiencia é a seguinte:

Material: Un ordenador, unha cámara web e un programa que permita a videoconferencia tipo Skype.

Non vexades o xogo que dá inventar historias ou ler contos a través da videoconferencia.

María Lires autora, María Lires ilustradora

2009-10-15T18:45:00.002+02:00

María Lires, a ilustradora de Soños de andel, vén de publicar na Editorial Galaxia o seu primeiro libro como autora e ilustradora.

As ilustracións reflicten eses bechos pequerrechos que nos rodean acotío e que neste libro, a través do texto, tomán vida pasando a ter problemas, complexos, alegrías... coma calquera de nós.

Parabéns por este novo traballo.

Así o entenderon...

2009-10-11T19:10:00.000+02:00

No lateral dereito deste blog pódense ver os diferentes traballos que realizaron os alumn@s baixo o título Así o entenderon...

Pódense apreciar as ilustracións e textos:

- Dos alumn@s de 2ºD do CEIP Fermín Bouza Brey
- Dos alumn@s de 2ºA do CEIP Nosa Señora dos Remedios
- Dos alumn@s de infantil 5 anos do Colexio Santiago Apostol
- Dos alumn@s de 5ºB do CEIP Nosa Señora dos Remedios
- Dos alumn@s de 6º B do CEIP Nosa Señora dos Remedios

Todos eles do curso académico 2008-2009.

Encontro no CEIP de Andrade, Pontedeume

2009-10-07T19:46:00.000+02:00

Ani xa atopou un lugar no que vivir, un lugar no que os nenos e nenas o van coller para levar ás súas casas. Ese máxico lugar é a biblioteca do CEIP de Andrade, que a partir de agora se chama "Soños de andel".

E para celebrar a inaguración o profesorado e o alumnado prepararon unha gran festa.

Primeiro a ilustradora María Lires e mais eu, destapamos a placa que lle dá nome á biblioteca.

A continuación os Titiriteiros de Andrade tíñannos preparada unha sorpresa: unha representación de Soños de andel.

Despois puidemos ver como dun libro xigante saían os personaxes de contos que todos desexamos ser.

Para rematar o acto, María e mais eu falamos do proceso de escribir e ilustrar o libro.

Foi un día moi especial.

Encontro no Fermín Bouza Brey, Ponteareas

2009-10-07T17:51:00.000+02:00

No Fermín Bouza Brey estiven cos meus antigos compañeiros de cole e cos meus pequerrechos de 1ºD.

Tíñanme preparada unha sorpresa. Elaboraran co seu mestre un libro no que os nenos e nenas foron os autores e ilustradores!!!!

Foi moi emocionante volver estar con eles.

Día do libro no CEIP Nosa Señora dos Remedios, Ponteareas

2009-10-03T20:46:00.000+02:00

No día do libro no CEIP Nosa Señora dos Remedios, organizamos un encontro con todo o alumnado de Educación Primaria.

Foi por ciclos. Cada aula tiña prepara unha serie de preguntas.

Foi unha experiencia moi gratificante, porque non me esperaba moitas das preguntas que me fixeron.

Presentación de Soños de Andel na Librería La Vara

2009-10-03T19:48:00.000+02:00

A presentación de Soños de Andel foi na Librería La Vara en Ponteareas.

Foi unha noite máxica na que se viron cumpridos moitos soños.

Faltaban meu pai, a miña irmá, o meu cuñado e a miña sobriña, pero estaban igual nos nosos pensamentos.

Grazas á miña nai e a Abel polo apoio que sempre me dan.

Grazas ao meu irmán que me prestou o nome de Ani para o protagonista do libro. Grazas a Luci tamén.

Tamén teño que agradecerlle á DJ Lourdes Porto a montaxe do son que nos acompañou durante toda a presentación, e como non, tamén elaborou os pinchos. ¡Que ricos que estaban!

E a Ana, por ter esta librería tan engaiolante en Ponteareas.

Grazas, en definitiva, a todos os que estivestes e aos que non puidestes estar, polo voso agarimo.