andel

13/2/14

Os vestidos da Lúa

Publish at Calameo or read more publications.

13/5/12

Ani conversa co alumnado de Chans

Nos vindeiros días, Ani vai conversar cos nenos e nenas do colexio de Chans. De seguro que lle teñen moitas preguntas interesantes que facerlle.

12/5/12

6/5/12

UN CHUPI PREMIO: LIEBSTER BLOG

A miña amiga Ana, "blogueira de profesión" vén de outorgarme o premio de ser un dos seus blogs favoritos!!!!!!

Ana, para min é unha gran honra que me deas este premio, porque admiro o teu nivel, a túa dedicación e a túa ilusión á hora de traballar coas TICs!!!!

Aprendín moito de ti e agardo que aínda me poidas ensinar moitas cousas máis.

Seguiremos traballando por unha escola pública de calidade!!!!!!

A túa amiga sempre!!!!

O premio ten unhas instrucións que as persoas blogueiras premiadas deben realizar:

Copiar y pegar el premio en el blog enlazándolo con el blogger que se lo ha otorgado.
Premiar a sus cinco blogs favoritos con la condición de que tengan menos de doscientos seguidores y dejarles un comentario en sus entradas para notificarles que han ganado el premio.
Confiar en que continúen la cadena premiando a su vez a sus cinco blogs preferidos.

Os meus 5 blogs favoritos son:

http://gominolas-profececi.blogspot.com.es/, porque a profe Ceci fai que o seu alumnado aprenda xogando.
http://superheroes56.blogspot.com.es/, porque a profe Josefa pon ao seu alumando a pensar.
http://remedios6a.blogspot.com.es/, porque a profe Chelo usa as TICs para axudarlles a manter a atención.
http://remedios6b.blogspot.com.es/, porque a profe Carmen lles pon o "cerebro a funcionar".
http://bibliobrey.blogspot.com.es/, para Bea e todo o equipo da biblioteca polo seu magnífico traballo en prol da animación á lectura e da dignificación do libro.

Parabéns a todas polo voso traballo!!!!!

26/12/11

Un bo agasallo para o Nadal

E PARA CALQUERA ÉPOCA DO ANO.

17/12/11

Volve Ani!!!!

Ani volve ver cumplido o seu soño de viaxar e coñecer novos lugares. Axiña ides ter novas deste libro aventureiro.

19/10/11

kuentalibros

Kuentalibros é un espazo dirixido a recomendar lecturas a través da rede no que o boca a boca será fundamental, por iso buscan ver moitas bocas parlantes.

http://kuentalibros.blogspot.com/

30/9/11

Goza da vida

15/3/11

Maltrato "sutil"

21/8/10

Representación en Leirado

O alumnado de 6º de EP do CEIP de Leirado representaron a final de curso Soños de andel para os máis pequerrechos do cole.

Agardo que se divertisen moito!!!!

26/7/10

26 de xullo, día dos avós

Foto de Margherita Vitagliano

O 26 de xullo é o día dos avos.

Os avós son esas persoas ás que tanto se lles debe, e que ás veces, tan pouco reciben a cambio.

Do avó Benigno non me lembro, el xa morrera cando eu nacín. Din que era un home moi alto e moi guapo, e por iso traía toliñas a todas as mulleres da vila.

Da avoa Laura teño uns recordos moi confusos. Lembro unha cama nun recuncho dun cuarto. Un cuarto con porta a un pequeno balcón.

Na cama, un corpo cuberto de negro. Un negro loito.
Ningunha nai e ningún pai deberían ter que padecer o amargo sufrimento que é sobrevivir a unha parte de ti, a algo que foi teu, que estivo no teu interior e que agora xa non existe, xa non está.

Non lembro máis dela, pero dos seus nove fillos que si sobreviron á morte da súa nai, puiden escoitar historias da valentía que supoña ser unha nai na Galicia da guerra e da posterior ditadura.

Un día comecei a escribir un libro, un libro que falaba da avoa Laura. Un libro que nunca rematei. Un libro que comeza así:

A avoa Laura naceu e morreu pobre. Eu a penas a coñecín porque faleceu cando eu tiña pouco menos ca tres anos. Daquela, vivían na casa os meus pais, a miña irmá, que me leva seis anos, o padriño e a avoa Laura.

Case que non teño recordos dela, os máis, os que me foron contando aos longos dos anos, pero recordos de meu, teño ben poucos. O que si lembro é a unha señora maior, vestida de loito e deitada nunha cama, como agardando a que a morte viñese por ela xa dunha vez. A avoa Laura nunca volvera ser a mesma dende que lle morrera o seu fillo, cando eu tiña máis ou menos, un ano e medio.

A xente di que non se debe de ter un fillo só, porque se che morre quedas sen ningún e a pena é máis grande, pero a eses a avoa Laura diríalles que ningún fillo que tiveses ocuparía o lugar que deixou o que se foi de súpeto, case sen avisar. É por iso que os dez fillos, daquela xa só nove, que tiña a avoa Laura non foron suficiente para acabar coa dor que a prematura morte de Silverio, con pouco máis de vinte anos e cun mes de casado deixou no corazón da viuva, dos irmáns e, como non, da coitada da nai, que rematou morrendo de pena e coa esperanza de poderse atopar co seu penúltimo fillo alá onde Deus a levase.

A avoa Laura naceu no ano 1912, filla dunha republicana, a visaboa Feli, pasou toda a súa vida parindo e coidando fillos. Non tivo oficio coñecido máis que o de coidar dos seus, que coa cantidade que eran, dabondo lle chegaba.

Da avoa Virginia e do avó Adolfo xa teño máis recordos de meu. Son reais, non mos tiven que construír cos retazos das verbas dos demais.

O avó Adolfo era serio, poucas veces o escoitei rir. A avoa Virgnia parecía moi fráxil, pero en realidade era moi forte.

Mais eu, xa non teño avós.

15/5/10

ANI NO CEIP DE MACEDA

Veño engaiolada co alumnado do CEIP de Maceda e co seu profesorado.

Ía disposta a sorprendelos coa miña presentación, pero pola contra, a sorprendida fun eu. Tiñánme preparadas moitas sorpresas.

Foi unha mañá moi intensa e emocionante na que puiden conversar cos nenos e nenas, respostar ás súas preguntas e descubrir os traballos que eles fixeran para min.

Pola tarde a sesión cos de Infantil non foi menos proveitosa. Coñecían moi ben a Ani e os seus soños. Souberon respostar perfecatamente a cada unha das preguntas que lles fixen e seguiron con moita atención todo o que eu lles contaba.

Quero darlles as grazas a todos os nenos e nenas, ao profesorado, ás nais que tamén colaboraron e como non, a algún marido que tamén tivo que demostar a súa maña.

Agardo que poidamos volver estar xuntos noutro momento.

Aquí vos deixo algún exemplo do que fixeron:

6/5/10

ANI VOLVEU AO BOUZA BREY

Ani estivo de novo no CEIP Fermin Bouza Brey, pero desta volta fumos acompañados por María Lires, a ilustradora que lle deu vida ao libro de Soños de andel cos seus fermosísimos debuxos.

María ensinounos como imaxinou a Ani para poder debuxalo e como os demais libros foron tomando forma a partir dos seus chapeus.

Tamen houbo quen descubriu a quen se parecia a mamá de Mar!!!!!!

Unha vez máis, Bea teño que darche as grazas por todo o que fas polo meu Soños de andel. Ogallá todo o mundo gozase tanto co que fai como o fas ti.

Moitas grazas María por ese traballo tan marabilloso que fixeches!!!

Os nenos e nenas estiveron debuxando con María Lires, pero algúns xa traian os deberes feitos e agasalláronnos cos seus debuxos, que colgarei aquí, pero como adianto quero que vexades esta fermosísima interpretación do libro de cociña.

25/4/10

ENCONTRO NO CEIP DE SIGÜEIRO

E para rematar esta andaina, o día do libro, o 23 de abril, Ani viaxou ata Sigüeiro para poder compartir un momentiño co alumnado de 2º do CEIP de SIGÜEIRO.

Quero agradecerlle ás mestras que me convidasen e como non, a Mencía, agradecerlle tamén que me ensinase os seus amigos e amigas.

Grazas

ENCONTRO NO CEP IGREXA-VALADARES

O día 22 non só me agardaban os alumnos do Mestres Goldar, non, tamén puiden compartir unha experiencia moi fermosa co alumnado de 2º do CEP Igrexa-Valadares.

Moitas grazas ás mestras e a Fátima por convidarme á súa biblioteca!!!!

Encontro CEIP Mestres Goldar

O xoves 22 tiven un encontro no CEIP Mestres Goldar co alumando de 2º, cos que mantivera o meu primeiro encontro dixital.

Estabamos todos moi ilusionados por poder coñecernos en persoa.

Foron moitas as experiencias que vivimos dende aquel primeiro contacto da mestra o día 4 de febreiro, ata que eles remataron de ler o libro e se fixo o último comentario, o 12 de marzo.

Dende aquí quero darlle as grazas a Julia e a todo as súas alumnas e os seus alumnos por deixarme participar da súa hora de lectura.

Seguide así.

Se queredes ver máis información sobre este encontro, podedes visitar a páxina O recanto de Mik: http://www.blogoteca.com/orecantodemik/index.php?cod=83629

21/4/10

Encontro CEIP Mestre Manuel García

Hoxe estiven no CEIP Mestre Manuel García para celebrar a Semana do Libro.

Foi unha experiencia moi fermosa porque primeiro mantiven un encontro co alumnado de 5º. Neste curso teñen un club de lectura. Entre todos comentamos o que lles parecera Soños de andel.

A continuación, fixen unha sesión de animación á lectura para os do 1º ciclo na que tamén me fixeron moitísimas preguntas sobre o libro.

Moitas grazas Sofía.
Moitas grazas a todo o alumnado de 1º, 2º e 5º de Educación Primaria.

8/4/10

Cando a imaxinación lle pode ao corpo

22/3/10

A primavera

6/3/10

Trinta e cinco

Ilustración do libro "Enséñame a ser feliz" de Àngels Ponce e ilustrado por Miguel Gallardo.

Hoxe é o meu aniversario.

Cumpro 35 anos e, ao igual ca a nena da ilustración,

gústame subir a lugares altos e deixar que me dea o vento na cara.

Fai que me sinta libre.

Sen problemas.

Feliz!!!

22/2/10

Alma

Alma from Rodrigo Blaas on Vimeo.

Un corto escrito e dirixido por Rodrigo Blaas.

15/2/10

Os Comelibros

Durante este mes de febreiro, por fin, puidemos poñer en marcha o

Club de lectura Os Comelibros.

Levabamos ben tempo intentado poñer a andar este proxecto, pero, como todo o que se fai agardar, ao final tivo tanta acollida por parte do alumnado de 6º de Educación Primaria e por parte do profesorado que tivemos que montar dúas quendas de lectura.

Os libros que imos ler desta volta son:

O carteiro de Bagdag, de Marcos Calveiro, publicado por Edicións Tambre.
Cómo complacer a todo el mundo sin dejar de hacer... lo que uno quiere, de Klaus-Peter Wolf.

Para máis información sobre este club de lectura na páxina de Viaxa con Popi.

8/2/10

Ani na aula de 2ºC do CEIP de Sigüeiro

A mestra de 2º C do CEIP de Sigüeiro recibiu estas pasadas festas do Nadal unha sorpresa na casa da súa alumna Mencía; ¡os Reis Magos deixaran para ela o libro de Soños de andel!

Na hora de lectura da súa aula compartiuno co seu alumnado.

Non quixeron perder a oportunidade de agasallarme cos debuxos que xurdiron despois da lectura.

Moitas grazas á mestra e ao alumnado de 2ºC!!!!

4/2/10

1º encontro dixital de "Soños de andel"

www.blogoteca.com/orecantodemik/

Dende o CEIP Mestres Goldar de Vigo, da man de Julia, a titora de 2º, propuxéronme esta fermosísima idea de ir mantendo un encontro dixital co seu alumnado a medida que van lendo o libro de Soños de andel.

Non o dubidei en ningún momento, posto que considero que temos que ir introducindo as novas tecnoloxías na aula, pois nelas temos unha fiestra aberta a un milleiro de posibilidades que antes nin podiamos imaxinar.

E por suposto, para min supón unha experiencia nova de encontro con nenos e nenas que ata o momento só experimentara coas miñas sobriñas.

Moitas grazas Julia, moitas grazas alumnos e alumnas de 2º.

Agardo os vosos comentarios.

27/1/10

Día en memoria das vítimas do holocausto

Hoxe celébrase o 65 aniversario da liberación de Auschwitz.

Nas escolas estamos preparando a semana da Paz, pero non podemos pasar por alto este día no que rendimos memoria ás vítimas do holocausto.

Non nos podemos esquecer deles.

14/1/10

Orellas de bolboreta

Orellas de bolboreta é un fermosísimo libro que podemos aproveitar para traballar nas aulas os complexos que adoitan ter os nosos alumnos e alumnas.

Nel, atopámonos con situacións nas que se considera como algo positivo o que normalmente os demais considerarían como negativo.

Escrito por Luisa Aguilar, está publicado na editorial Kalandraka.